Իրանցի գեներալ. «Էրդողանն ի զորու չէ տապալել Բաշար Ասադի իշխանությունը»

Տարածաշրջան09:20, 02 Դեկտեմբեր 2016

Իրանցի գեներալ. «Էրդողանն ի զորու չէ տապալել Բաշար Ասադի իշխանությունը»

Իրանի Իսլամական Հանրապետության (ԻԻՀ) զինված ուժերի (ԶՈՒ) կազմի մեջ մտնող Իսլամական հեղափոխության պահապանների կորպուսի փոխհրամանատար գեներալ Ռեսուլ Սենայիրադն արձագանքել է Թուրքիայի նախագահ Ռեջեփ Թայիփ Էրդողանի՝ Բաշար Ասադի իշխանազրկման վերաբերյալ հայտարարությանը:

Միջանկյալ նշենք, որ Էրդողանը օրերս հրապարակայնորեն նշել էր, որ Թուրքիայի զինուժի կողմից Սիրիայի տարածքում իրականացվող «Եփրատի վահան» օպերացիայի գլխավոր նպատակը Սիրիայի նախագահ Բաշար Ասադին իշխանազրկելն է:

«Էրդողանը ի զորու չէ տապալել Բաշար Ասադի իշխանությունը»,- գեներալի խոսքերը մեջբերել է թուրքական «Mynet» լրատվամիջոցը՝ հղում անելով իրանական «Tasnim» լրատվական գործակալությանը:

Ըստ Սենայիրադի` եթե Թուրքիան օժտված լիներ նման ուժով, ապա անվտանգության գոտի ստեղծելու նպատակը ի կատար կածեր: նա նաև հավելել է, որ Թուրքիան Հորդանանի, Սաուդյան Արաբիայի, Քաթարի և Արաբական Միացյալ Էմիրությունների (ԱՄԷ) հետ միասին նյութատեխնիկական աջակցություն են ցուցաբերում Սիրիայում գործող ծայրահեղական խմբավորումներին:

Աղբյուր` Ermenihaber.am