Թուրքական օդուժը Սիրիայում հարվածներ է հասցրել ԻՊ-ի հենակետերի ուղղությամբ

Տարածաշրջան09:38, 08 Դեկտեմբեր 2016

Թուրքական օդուժը Սիրիայում հարվածներ է հասցրել ԻՊ-ի հենակետերի ուղղությամբ

Թուրքիայի օդային ուժերը «Եփրատի վահան» գործողության շրջանակներում Սիրիայի հյուսիսային շրջաններում հրթիռակոծել են «Իսլամական պետություն» (ԻՊ) ահաբեկչական կազմակերպության հենակետերը: Ըստ թուրքական «Anadolu» լրատվական գործակալության` օդային հարվածների հետևանքով սպանվել է ԻՊ 23 զինյալ: Մեծ թվով գրոհայիններ էլ վիրավորվել են:

Ըստ աղբյուրի՝ ոչնչացվել են ԻՊ-ին պատկանող 3 տանկ, 2 հսկիչ կետ, 3 թաքստոց, 3 հրամանատարական շենք և 1 ռումբերով բեռնված մեքենա:

Հիշեցնենք, որ սիրիական սահմանային Ջերաբլուս քաղաքը ԻՊ ահաբեկիչներից մաքրելուն ուղղված օպերացիայի շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ: Ջերաբլուսի վերահսկողությունն արդեն իրենց ձեռքը վերցրած սիրիական զինված ընդդիմությունը Թուրքիայի համակողմանի աջակցությամբ շարժվում է դեպի Մանբիջ քաղաք, որը Սիրիայի քրդերը վերջին շրջանում կարողացել էին գրավել ԻՊ զինյալներից:

Աղբյուր` Ermenihaber.am