Թուրքական նավահանգիստները դուրս են մղվում միջազգային զբոսաշրջային երթուղիներից

Տնտեսական08:30, 15 Դեկտեմբեր 2016

Թուրքական նավահանգիստները դուրս են մղվում միջազգային զբոսաշրջային երթուղիներից

Լյուքս դասի զբոսանավերով ծովային շրջագայություններ իրականացնող միջազգային ընկերությունները սկսել են հրաժարվել թուրքական նավահանգիստներում իրականացվող կանգառներից:

Ըստ թուրքական «Haberler.com» լրատվական կայքի` համաշխարհային ընկերությունների 2017-ի երթուղիներից թուրքական կանգառների դուրս մնալը պատճառաբանվում է անվտանգության նկատառումներով: Օրեր առաջ Ստամբուլում տեղի ունեցած ահաբեկչությունից հետո էլ «Princess Cruises» լյուքս դասի զբոսանավի երթուղուց հանվել է 2017-ի համար դեպի թուրքական նավահանգիստներ նախատեսված 50 չվերթները:

Ծովային տուրիզմի ոլորտում գործունեություն ծավալող ընկերություններից մեկի ղեկավար Էրքութ Օնենի խոսքով միջազգային շրջագայություններ կազմակերպող ընկերությունները 80 տոկոսով կրճատել են թուրքական նավահանգիստներում կանգառների թիվը:

Օնենը տեղեկացրել է նաև, որ թուրքական նավահանգիստների փոխարեն միջազգային հայտնի ընկերությունները նախապատվությունը տալիս են Հունաստանի կղզիներին ու Չեռնոգորիային:

Աղբյուր` Ermenihaber.am