Կայսերիում եղած պայթյունի պատասխանատվությունը ստանձնել են «Քուրդիստանի ազատության բազեները»

Տարածաշրջան11:33, 22 Դեկտեմբեր 2016

Կայսերիում եղած պայթյունի պատասխանատվությունը ստանձնել են «Քուրդիստանի ազատության բազեները»

Դեկտեմբերի 17-ի առավոտյան Թուրքիայի Կայսերի քաղաքի Էրջիյես համալսարանի դիմաց տեղի ունեցած պայթյունի պատասխանատվությունը ստանձնել է «Քուրդիստանի ազատության բազեներ» խմբավորումը (TAK):

Ըստ թուրքական «Dunya» լրատվամիջոցի` «Քուրդիստանի բանվորական կուսակցության» (ՔԲԿ-PKK)-ը մոտ կանգնած կայքերից մեկում` հրապարակվել են այն անձանց անունները, որոնք իրականացրել են թե դեկտեմբերի 10-ին Ստամբուլում և թե դեկտեմբերի 17-ին Կայսերիում տեղի ունեցած պայթյունները:

Նշենք նաև, որ Ստամբուլի Բեշիքթաշ շրջանում գտնվող «Vodafone Arena» մարզադաշտի հարակից տարածքում տեղի ունեցած պայթյունների պատասխանատվությունը նույնպես ստանձնել էր TAK-ը:

Նշյալ կայքում հրապարակված տեղեկատվության համաձայն` Կայսերիի պայթյունը իրականացրել էր ծնունդով Թուրքիայի Վան նահանգի Օզալփ շրջանից 26-ամյա Քասըմ Յըլդըրըմչաքարը, ով հանդես էր գալիս «Չեքթար Քեբաթ» կեղծանվամբ:

Իսկ դեկտեմբերի 10-ին Ստամբուլում պայթյուններն իրականացրել էին 27-ամյա Քադրի Քըլընչը և 30-ամյա Բուրաք Յավուզը: Նրանք հանդես էին գալիս «Շերվան Շորեշ Դերվեշ» և «Անդոկ Սերհաթ» կեղծանուններով:

Աղբյուր` Ermenihaber.am