Էլ–Բաբում թուրքական ԶՈՒ-ի և ԻՊ գրոհայինների բախման ընթացքում խաղաղ բնակիչներ են սպանվել

Տարածաշրջան09:35, 26 Դեկտեմբեր 2016

Էլ–Բաբում թուրքական ԶՈՒ-ի և ԻՊ գրոհայինների բախման ընթացքում խաղաղ բնակիչներ են սպանվել

Դեկտեմբերի 25-ին Սիրիայի Էլ-Բաբ քաղաքում թուրքական զինուժի և «Իսլամական պետություն» ահաբեկչական կազմակերպության գրոհայինների միջև տեղի ունեցած բախման ընթացքում առնվազն 30 խաղաղ բնակիչ է սպանվել։

Ըստ թուրքական «sondakika» լրատվական կայքի՝ այդ մասին հայտնում է, Թուրքիայի զինված ուժերի (ԶՈՒ) Գլխավոր շտաբը:

Հայտարարության մեջ նշվում է, որ խաղաղ բնակիչները զոհվել են քաղաքի շրջակայքում ԻՊ-ի զինյալների իրականացրած ինքնաշեն ռումբերով և ակններով հարձակման ընթացքում:

Նշվում է նաև, որ թուրքական ուժերի կողմից Սիրիայի տարածքում ընթացող «Եփրատի վահան» ռազմական գործողության ընթացքում ոչնչացվել է ԻՊ-ին պատկանող 113 թիրախ, մի շարք թաքստոցներ, զինպահեստներ, պաշտպանական դիրքեր, հրամանատարական կենտրոններ ինչպես նաև զինտեխնիկա:

Հավելվում է նաև, որ «Եփրատի վահան» գործողության առաջին օրվանից մինչ օրս թուրքական ուժերը ոչնչացրել են ԻՊ-ին պատկանող 2335 ինքնաշեն պայթուցիկ, ինչպես նաև 42 ական:

Աղբյուր` Ermenihaber.am