Սոցհարցում. Թուրքերի 62%-ը աջակցում է սահմանադրական փոփոխություններին

Տարածաշրջան09:00, 13 Հունվար 2017

Սոցհարցում. Թուրքերի 62%-ը աջակցում է սահմանադրական փոփոխություններին

Թուրքական ORC սոցիալական հետազոտությունների կենտրոնի անցկացրած հարցումների արդյունքները ցույց են տվել, որ երկրի բնակչության 62%-ը աջակցում է իշխանական «Արդարություն և զարգացում կուսակցության» (AKP-ԱԶԿ) նախաձեռնած սահմանադրական փոփոխություններին:

Ըստ թուրքական «Sondakika.com» լրատվական կայքի` հարցումներն անցկացվել են երկրի հունվարի 10-11-ը Թուրքիայի 36 նահանգում: Հեռախոսազանգերի միջոցով կատարված հարցմանը մասնակցել է 2.340 մարդ:

Հարցման շրջանակներում քաղաքցիներին ուղղվել է նաև Թուրքիայում արդիական թեմաների վերաբերյալ այլ հարցեր, այդ թվում նաև` երկրում արդեն 2-րդ անգամ երկարաձգվող եռամսյա արտակարգ իրավիճակի վերաբերյալ: Ըստ այդմ` հարցվածների 72.6%-ը պատասխանել է, որ անհանգստացած չէ արտակարգ իրավիճակից:

Հարցվածների 70-ը համաձայնել է իշխանությունների առաջ քաշած այն մտքի հետ, որ վերջին շրջանում թուրքական լիրայի նկատմամբ դոլարի և եվրոյի աննախադեպ արժևորումը «դավադիր տնտեսական հարված է հուլիսի 15-ի հեղաշրջման փորձը ճնշած թուրք ժողովրդին»:

Աղբյուր` Ermenihaber.am