ԱՄՆ-ն ցանկանում է, որ Թուրքիան իր վերոհսկողության տակ վերցնի Էլ Բաբը

Տարածաշրջան07:53, 24 Հունվար 2017

ԱՄՆ-ն ցանկանում է, որ Թուրքիան իր վերոհսկողության տակ վերցնի Էլ Բաբը

ԱՄՆ-ի պաշտպանության նախարարության խոսնակ, գնդապետ Ջեֆֆ Դեվիսը հայտարարել է, որ իրենք աջակցում են հայտնում Թուրքիայի զինուժի կողմից Սիրիայի Էլ Բաբ քաղաքում իրականացվող գործողություններին:

Միջանկյալ նշենք, որ քաղաքը գտնվում է «Իսլամական պետություն» (ԻՊ) ահաբեկչական կազմակերպության վերահսկողության տակ:

Ըստ «CnnTurk» լրատվամիջոցի` Դեվիսը շեշտել է, որ մինչև այժմ ԱՄՆ-ն Թուրքիայի կողմից Սիրիայի Ջերաբլուս, Ալ Րաի և Դաբըք քաղաքներում ԻՊ-ի դեմ իրականացրած գործողությունների ժամանակ ցուցաբերել է աջակցությունլ: Մասնավորապես ամերիկյան ուժերը թուրքերին աջակցել են օդից և ցամաքից:

«Դաբըքը գրավելուց հետո թուրքական ուժերը շարժվեցին դեպի Էլ Բաբ: Մենք աջակցում ենք նաև դրան և ցանկանում ենք, որ Էլ Բաբը ետ վերցվի ԻՊ-ից: Մեր զինվորական գործըկներների և թուրքական կառավարության միջև քննարկումները շարունակվում են»,- նշել է Պենտագոնի խոսնակը:

Նա շեշտել է, որ ԱՄՆ-ն շարունակելու է աջակցել Թուրքիային`ԻՊ-ի դեմ ձեռնարկած ջանքերին:

Թուրքական աղբյուրը հայտնում է, որ Պենտագոնի խոսնակի ելույթից հետո թուրքական «Anadolu» լրատվական գործակալության թղթակիցը նշյալ հարցի մասին խոսել է նաև Պենտագոնի մի պաշտոնյայի հետ, ում անունը չի հրապարակվում: Վերջինս նշել է, որ ԱՄՆ-ի աջակցությունը Թուրքիային դրսևորվում է անօդաչու թռչող սարքերի միջոցով հետախուզական տվյալներ հայթայթելով:

Աղբյուր` Ermenihaber.am