Դեկտեմբերին Թուրքիայում արտահանումն ավելացել է 9, իսկ ներմուծումը` 2.3 տոկոսով

Տնտեսական13:48, 31 Հունվար 2017

Դեկտեմբերին Թուրքիայում արտահանումն ավելացել է 9, իսկ ներմուծումը` 2.3 տոկոսով

Թուրքիայի վիճակագրական ծառայությունը և առևտրի ու մաքսային գործերի նախարարությունը հրապարակել են 2016 թվականի դեկտեմբերի արտաքին առևտրի վիճակագրությունը:

Ըստ թուրքական «Yeni Şafak» թերթի կայքի` հրապարակված տվյալները ցույց են տալիս, որ Թուրքիան 2016-ի դեկտեմբերին 2015-ի նույն ժամանակահատվածի համեմատությամբ կարողացել է 9 տոկոսով ավելացնել արտահանման ծավալները` հասցնելով 12 մլրդ 807 միլիոն դոլարի: Միևնույն ժամանակ 2.3 տոկոսով աճել է ներմուծումը` հասնելով 18 մլրդ 405 միլիոն դոլարի:

Դեկտեմբերին 10.3 տոկոսով բարելավվել է նաև Թուրքիայի արտաքին առևտրի դեֆիցիտը` նվազելով մինչև 5.5 մլրդ դոլար:

Արտահանման ամենամեծ հատվածը բաժին է ընկնում Եվրամիության երկրներին:
Դեկտեմբերին ԵՄ երկրներ կատարվող արտահանումը 2015 թվականի դեկտեմբերի 41.6 տոկոսիի համեմատ աճել է 4.8 տոկոսով` գումարային արտահայտությամբ հասնելով 5մլրդ 670 միլիոնի դոլարի:

Ամենամեծ ծավալի ներմուծումն իրականացվել է Չինաստանից` (1.86 մլրդ), որին հաջորդում են Գերմանիան (1.81 մլրդ) և Ռուսաստանը (1.35մլրդ):

Աղբյուր` Ermenihaber.am