ԱՄՆ-ն զրահապատ մեքենաներ է ուղարկում Սիրիայի քրդական ուժերին

Տարածաշրջան12:27, 01 Փետրվար 2017

ԱՄՆ-ն զրահապատ մեքենաներ է ուղարկում Սիրիայի քրդական ուժերին

«Իսլամական պետություն» (ԻՊ) ահաբեկչական կազմակերպության դեմ պայքարի շրջանակներում ԱՄՆ-ն զրահապատ մեքենաներ է ուղարկել «Սիրիայի դեմոկրատական ուժեր» (ՍԴՈւ-SDG) անվանմամբ քրդական խմբավորմանը:
Ըստ «Doğan» լրատվական գործակալության` այս լուրը հաստատվել է Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական թև հանդիսացող` «Ժողովրդի պաշտպանության ուժեր» (ԺՊՈւ-YPG)-ի կողմից:

Նշվում է, որ այս որոշումը կայացվել էր դեռևս ԱՄՆ-ի նախկին նախագահ Բարաք Օբամայի պաշտոնավարման ժամանակ:

Բարձրակարգ զրահով պատված մեքենաներն ունեն ինքնաշեն պայթուցիկներին դիմակայելու հնարավորություն: Մարտական գոտիներում զինվորականների և իրավապահ մարմինների կողմից օգտագործվելիք մեքնենարները կարող են տեղափոխել մինչև 10 զինվոր:

Աղբյուրի տեղեկություններով մեքենաներն արտադրվել են Կանադայում:

ԺՄԿ-ի հրամանատար Թելալ Սիլոն անդրադառնելով զրահապատ մեքենաների մատկարարմանը ասել է. «Նախագահ Օբամայի օրոք որպես օգնություն` մեզ ավելի շատ փոքր տրամաչափի զենքեր և զինամթերքներ էին մատակարարվում: Այժմ ռումբերով բեռնված մեքենաներից պաշտպանվելու համար մեզ ուղարկել են զրահապատ մեքենաներ»,-ասել է ԺՄԿ- հրամանատարը:

Աղբյուր` Ermenihaber.am