2016թ. Թուրքիայից արտահանվել է 205.8 տոննա ոսկու ձուլակտոր

Տնտեսական09:32, 02 Փետրվար 2017

2016թ. Թուրքիայից արտահանվել է 205.8 տոննա ոսկու ձուլակտոր

2016թ. ընթացքում Թուրքիան արտահանել է 205.8 տոննա ոսկու ձուլակտոր, որի արժեքը կազմել է 8.2 մլրդ ԱՄՆ դոլար:

Թուրքական պետական «Anadolu» լրատվական գործակալության տեղեկացմամբ՝ վերջին հինգ տարում ընդհանուր առմամբ արտահանվել է ավելի քան 800 տոննա ոսկու ձուլակտոր: Այս տարիների ընթացքում (2012-2016թթ.) ոսկու արտահանումից Թուրքիան ձեռք է բերել 35 մլրդ 520 մլն 711 հզր. դոլարի եկամուտ:

Թուրքիայի վիճակագրական ընկերության (ԹՎԸ-TÜİK) տվյալների համաձայն՝ 2012թ. Թուրքիայի արտահանվել է 13.3 մլրդ դոլար ընդհանուր արժողությամբ 252.4 տոննա ոսկու ձուլակտոր: 2013թ. այդ ցուցանիշը կազմել է 71.9 տոննա՝ 3.3 մլրդ. դոլար, 2014թ.՝ 77.8 տոննա՝ 3.2 մլրդ դոլար , 2015թ.՝ 192.4 տոննա՝ 7.4 մլրդ դոլար արժողությամբ:

2016թ. ընթացքում ոսկու ձուլակտորների ամենամեծ խմբաքանակը արտահանվել է Անգլիա՝ 76.2 տոննա: Ինչի արժեքը կազմել է 3.1 մլրդ դոլար: Թուրքիայից ոսկու խոշոր արտահանողների ցանկում երկրորդ հորիզոնականում անցյալ տարի հայտնվել է Շվեյցարիան (48.7 տոննա, 1.9 մլրդ դոլար), երրորդ տեղում Միացյալ Արաբական Էմիրություններն են (40.9 տոննա, 1.6 մլրդ դոլար):

Բացի այդ, 2016թ. Թուրքիայից դեպի Իրան է արտահանվել 1.3 մլրդ դոլար արժողությամբ 31.9 տոննա ոսկու ձուլակտոր:

Աղբյուր` Ermenihaber.am