Թուրքիան զարգացնում է առևտրային համագործակցությունը Մեքսիկայի հետ

Տնտեսական08:49, 06 Փետրվար 2017

Թուրքիան զարգացնում է առևտրային համագործակցությունը Մեքսիկայի հետ

Փետրվարի 3-ին Թուրքիայի արտաքին գործերի նախարար Մևլութ Չավուշօղլուն մեկնել էր Մեքսիկա, որտեղ հանդիպել էր Մեքսիկայի արտգործնախարար Լուիս Վիդեգարայի հետ: Ըստ «Haberturk» լրատվակայքի՝ կողմերը քննարկել էին երկկողմ առևտրատնտեսական հարաբերությունները, ինչպես նաև այլ կարևոր հարցեր:

Վիդեգարայը հանդիումից հետո, խոսելով լրագրողների հետ, նշել է, որ երկու երկրներն ազատ առևտրի պայամագիր ստորագրելու համար արագացրել են բանակցությունները: Ըստ նրա՝ նշյալ պայմնանագրի ստորագրումը բխում է առաջին հերթին երկու երկրների շահերից և այդ հարցում կողմերը ձեռնարկում են անհրաժեշտ քայլեր:

«Այս պայմանագրի իրականացումն արագացնելու և ավարտին հասցնելու հարցում համակարծիք ենք»,-հայտնել է Վիդեգարայը Չավուշօղլուի հետ ունեցած հանդիպումից հետո:

Բացի դրանից նա նշել է, որ իրենք ցանկանում են, որպեսզի Մեքսիկայի գյուղատնտեսական և շինարարական սեկտորներում ավելի շատ թուրքական ընկերություններ լինեն: Իսկ Չավուշօղլունհավելել է, որ այժմ քննարկվում է նաև երկու երկրների միջև ուղղիղ թռիչքներ իրականացնելու հարցը:

Աղբյուր` Ermenihaber.am