ԱՄՆ-ն զրահապատ մեքենաների երկրորդ խմբաքանակն է ուղարկել Սիրիայի քրդերին

Տարածաշրջան12:33, 07 Փետրվար 2017

ԱՄՆ-ն զրահապատ մեքենաների երկրորդ խմբաքանակն է ուղարկել Սիրիայի քրդերին

ԱՄՆ-ն «Իսլամական պետություն» (ԻՊ) ահաբեկչական կազմակերպության դեմ պայքարի շրջանակներում զրահապատ մեքենաների երկրորդ խմբաքանակն է ուղարկել արաբներից և քրդերից կազմված «Սիրիայի դեմոկրատական ուժերին» (ՍԴՈւ-SDG) :

Սիրիայի դեմոկրատական ուժերի կազմի մեջ են մտնում նաև Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական թև հանդիսացող «Ժողովրդի պաշտպանության ուժեր» (ԺՊՈւ-YPG)-ը:

Ըստ թուրքական «Haberler» լրատվամիջոցի` զրահապատ մեքենաները արտադրվել են Կանադայում: Բարձրակարգ զրահով պատված մեքենաներն ունեն ինքնաշեն պայթուցիկներին դիմակայելու հնարավորություն:

Զրահապատ մեքենաները սկսել են օգտագործվել մասնավորապես ԻՊ-ի վերահսկողության տակ գտնվող Սիրիայի Ռաքքա քաղաքը ազատագրելու համար:

Հիշեցնենք, որ պաշտոնական ԱՆկարան ԺՊՈւ-ին ինչպես նաև այլ քրդական ուժերին դիտարկում է որպես ահաբեկչական կազմակերպություն:

Աղբյուր` Ermenihaber.am