Թուրքական լիրան արժեզրկվում է, իսկ դոլարն ու եվրոն՝ նորից արժևորվում

Տնտեսական07:14, 08 Փետրվար 2017

Թուրքական լիրան արժեզրկվում է, իսկ դոլարն ու եվրոն՝ նորից արժևորվում

Թուրքիայում ԱՄՆ դոլարի և եվրոյի փոխարժեքները շարունակում են աճել։ Թուրքական «Hürriyet» թերթի կայքի տեղեկացմամբ` Փետրվարի 8-ի առավոտյան արտարժույթի շուկայում դոլարի փոխարժեքը կազմել է 3.7476, եվրոյինը` 4 լիրա։

Թուրքիայի պալատների և բորսաների միության (TOBB) տնտեսական հանձնաժողովի նիստում երեկ ելույթ ունեցած Ռեջեփ Թայիփ Էրդողանը հայտարարել է, թե դժգոհ է Թուրքիայի վարած տոկոսադրույքային քաղաքականությունից: Ըստ Թուրքիայի նախագահի՝ այդ քաղաքականությունն իրականում չարաշահումների միջոց է ու չի կարող նպաստել երկրի զարգացմանը:

Նա կոչ է արել հատկապես մասնավոր բանկերի ղեկավարներին՝ խղճով գործել և չկրկնապատկել կենտոնական բանկի առաջարկած տոկոսները:

Աղբյուրի հավաստմամբ՝ Էրդողանի այս հայտարարությունը Թուրքիայում ընկալվել է որպես միջամտություն կենտրոնական բանկի գործունեությանը: Իսկ մինչ այդ 3.71 լիրա արժեցող դոլարի փոխարժեքի կտրուկ աճը նույնպես գնահատվում է որպես Թուրքիայի նախագահի խոսքերի հետևանք:

Աղբյուր` Ermenihaber.am