Չավուշօղլուն հանդիպել է Ուկրաինայի նախագահի հետ

Քաղաքական07:12, 10 Փետրվար 2017

Չավուշօղլուն հանդիպել է Ուկրաինայի նախագահի հետ

Թուրքիայի արտաքին գործերի նախարար Մևլութ Չավուշօղլուն Կիևում հանդիպել է Ուկրաինայի նախագահ Պյոտր Պորոշենկոյի հետ: Ըստ թուրքական «Yenisafak» պարբերականի` Թուրքիայի արտգործնախարարը Կիևում ուկրաինացի պաշտոնյաների հետ քննարկել է թուրք-ուկրաինական բարձր մակարդակի ռազմավարական խորհրդի 5-րդ ժողովի կազմակերպման մանրամասները, որը տեղի է ունենալու գարնանը: Պորոշենկոյի հետ հանդիպանը քննարկվել են տարածաշրջանային և մի շարք տնտեսական խնդիրներ:

Չավուշօղլուն հերթական անգամ հիշեցրել է, որ պաշտոնական Անկարան աջակցում է Ուկրաինայի տարածքային ամբողջականությունը:

Միջանկյալ նշենք, որ Թուրքիան միջազգային տարբեր հարթակներում Ղրիմի կցումը Ռուսաստանին, որակել է որպես «օկուպացիա»:

Կողմերը պատրաստակամություն են հայտնել զարգացնել թուրք-ուկրաինական ռազմակավարական հարաբերությունները: Մասնավորապես շեշտվել է երկու երկրների միջև ազատ առևտրի իրականացման համար ընթացող բանակցությունները հնարավորինս արագ ավարտին հասցնելու անհրաժեշտությունը:

Աղբյուր` Ermenihaber.am