Թուրքիայի փոխվարչապետ. Ալ-Բաբը ԻՊ-ից մաքրելուց հետո «Եփրատի վահան» գործողությունը ամենայն հավականաությամբ կավարտվի

Տարածաշրջան09:40, 11 Փետրվար 2017

Թուրքիայի փոխվարչապետ. Ալ-Բաբը ԻՊ-ից մաքրելուց հետո «Եփրատի վահան» գործողությունը ամենայն հավականաությամբ կավարտվի

Թուրքիայի փոխվարչապետ և կառավարության խոսնակ Նուման Քուրթուլմուշը մասնակցել է թուրքական «Habertürk TV» հեռուստաընկերության հաղորդումներից մեկին, որի ժամանակ ուշագրավ հայտարարություն է արել թուրքական զինուժի կողմից Սիրիայի տարածքում սկսած «Եփրատի վահան» գործողության մասին:

Ըստ թուրքական «Diken» լրատվամիջոցի՝ Քուրթուլմուշը, խոսելով Թուրքիայի զինուժի կողմից Սիրիայի Ալ-Բաբ քաղաքում «Իսլամական պետություն» (ԻՊ) ահաբեկչական կազմակերպության դեմ մղվող մարտերի մասին, ասել է.

«Ամենայն հավանականությամբ Ալ Բաբի հետ միասին Եփրատի վահան գործողությունը կավարտվի, մեր նպատակին հասած կլինենք: Ռաքքան այլ հարց է, այն չի սպառնում Թուրքիայի սահմաններին: Այն անվտանգության խնդիր կլինի Թուրքիայի համար միայն այն դեպքում, եթե Ռաքքա մտցնեն Սիրիայի քրդական ուժերին»:

Քուրթուլմուշի տեղեկություններով՝ թուրքական ուժերը արդեն մտել են Ալ-Բաբ, սակայն ԻՊ-ը ուժեղ դիմադրություն է ցույց տալիս` այնտեղ կենտրոնացնելով զինյալների նոր խմբաքանակ զինյալները:

Հիշեցնենք, որ Ալ-Բաբում ԻՊ-ի և թուրքական ուժերի միջև վերևին մի քանի օրվա ընթացում տեղի ունեցած մարտերում սպանվել էր մեկ տասնյակից ավել զինվոր:

Աղբյուր` Ermenihaber.am