Թուրքիայի Չանաքքալե նահանգում նորից ստորգետնյա ցնցումներ են եղել

Տարածաշրջան07:01, 13 Փետրվար 2017

Թուրքիայի Չանաքքալե նահանգում նորից ստորգետնյա ցնցումներ են եղել

Թուրքիայի Չանանքքալե նահանգի Այվաջըք շրջանում կրկին երկրաշարժ է գրանցվել: «CNN Türk» -ի տեղեկացմամբ՝ այս անգամ ստորգետնյա ցնցումների ուժգնությունը կազմել է 5.3 մագնիտուդ: Փետրվարի 12-ին՝ ժամը 16:48-ին տեղի ունեցած երկրաշարժի էպիկենտրոնը գտնվել է 11 մետր խորության վրա:

Տարածաշրջանում նոր ցնցումների պատճառով վնասվել ու վթարային վիճակում է հայտնվել շուրջ 1008 տուն: Այվաջըքի մի շարք գյուղերի դպրոցներում երկրաշարժի պատճառով մեկօրյա արձակուրդ է հայտարարվել: Երկրաշարժերի հետևանքով ընդհանուր առմամբ վնասվել է 8 մարդ: Նրանցից 7-ն արդեն դուրս է գրվել հիվանդանոցից:

Հավելենք, որ Թուրքիայի աղետների և արտակարգ դրության վարչության տվյալների համաձայն՝ փետրվարի 6-ից-13-ը Այվաջըքում ավելի քան 800 երկրաշարժ է գրանցվել:

Վերջին շաբաթվա ընթացքում տեղի է ունեցել 4 և ավելի մագնիտուդ հզորությամբ 16 երկրաշարժ, այդ թվում՝ 5.3 մագնիտուդ հզորությամբ 3 և 5.2 մագնիտուդ հզորությամբ 1 ստորգետնյա ցնցում:

Ստորև ներկայացնում ենք վերջին 7 օրում Չանաքքալեում գրանցված առավել հզոր երկրաշարժերի ցանկը՝ ըստ «Քանդիլլի» աստղադիտարանի երկրաշարժերի ուսումնասիրման ինստիտուտի տվյալների: