Ավստրիացի քաղաքական գործիչը թուրք իմամներին մեղադրել է լրտեսության մեջ

Քաղաքական08:09, 15 Փետրվար 2017

Ավստրիացի քաղաքական գործիչը թուրք իմամներին մեղադրել է լրտեսության մեջ

Ավստրիայի ընդդիմադիր «Կանաչների» կուսակցության անդամ Պետեր Փիլցը հայտարարել է, որ երկրում գտնվող թուրք իմամները (մահմեդականների հոգևոր առաջնորդ) լրտեսություն են անում Թուրքիայի համար:

Ըստ թուրքական «Diken» պարբերականի` Փիլցը մասնավորապես նշել է, որ Գերմանիայում գործող «Եվրոպայի թուրքական իսլամական միությունը» (ATIB), համագործակցելով Վիեննայում Թուրքիայի դեսպանատան հետ, եվրոպական տարբեր երկրներում (այդ թվում նաև Ավստրիայում) ապրող թուրք իմամների միջոցով, Ռեջեփ Թայիփ Էրդողանի վարչակարգի համար տեղեկություններ է հավաքում` գյուլենական համայնքի, ինչպես նաև այդ երկրներում ապրող քրդերի և թուրք ընդդիմադիր լրագրողների մասին:

Թուրքիայի արտգործնախարարությունը, ինչպես նաև վերոնշյալ միությունը հերքել են Փիլցի առաջ քաշած մեղադրանքները, նշելով, որ նման մեղադրանքներն էլ ավելի են սրում առանց այդ էլ լարված թուրք-ավտրիական հարաբերությունները:

Ավստրիայի ներքին գործերի նախարարությունից տեղեկացրել են, որ վերոնշյալ հարցով ուսումնասիրություններ կարվեն:

Նշվում է նաև , որ այդ միությունը նմանատիպ գործունեւություն է ծավալում 38 երկրում:

Աղբյուր` Ermenihaber.am