Թուրքիան ծրագրում է սեփական արտադրության արբանյակ ուղարկել տիեզերք

Տարածաշրջան08:03, 20 Փետրվար 2017

Թուրքիան ծրագրում է սեփական արտադրության արբանյակ ուղարկել տիեզերք

Թուրքիան նախատեսում է 10 տարվա ընթացքում ամբողջությամբ տեղական միջոցներով սեփական արբանյակ արտադրել և կառուցվելիք սեփական տիեզերակայանից ուղարկել տիեզերք:

Ըստ թուրքական «Hurriyet» թերթի կայքի` այս նպատակով Իզմիրի տնտեսկան համալսարանի ինժեներական ֆակուլտետում ավիացիայի և տիեզերական ինժեներիայի ամբիոն է հիմնվել: Նոր ստեղծված բաժնում որակյալ մասնագետներ պատրաստելու նպատակով ընդունվել են 30 ուսանող, որոնց ոսման ծախսերը ամբողջությամբ հոգալու է պետությունը: Նշվում է, որ անգլերեն լեզվով ուսման նախնական փուլն անցած 6 ուսանողները կշարունակեն հետագա մասնագիտացումը:

Համալսարանի ինժեներական ամբիոնի դեկանը Յաշար Շահինը տեղեկացրել է, որ աշխատանքները սկսելու համար մեծ ներդրումներ են ներգրավվել, ինչը իրենց թույլ կտա 19.000քմ տարածքով 11 առանձին բլոկներից կազմված լաբարատորիա հիմնել:

Նշվում է, որ ծրագիրն իրականացնելու նպատակով թուրք ուսանողները կգործուղվեն ոլորտում հաջողություններ գրանցած տարբեր երկրների ուսումնական հաստատություններ, ինչպես նաև կներգրավվեն ՆԱՍԱ-ում փորձառություն անցած օտարազգի մասնագետներին:

Նշենք, որ Թուրքիան ավելի վաղ՝ 2012-ին, Չինաստանի Jiuquan տիեզերակայանից տիեզերք էր ուղարկել Göktürk2 հետախուզական արբանյակը, իսկ 2016-ին՝ Göktürk-1-ը: Դրանց դետալների զգալի մասն արտադրվել էր Թուրքիայում:

Աղբյուր` Ermenihaber.am