Էրդողան. Թուրքիան Մանբիչում և Ռաքքայում քայլեր կձեռնարկի Ռուսաստանի և ԱՄՆ-ի համաձայնության դեպքում

Տարածաշրջան13:10, 28 Փետրվար 2017

Էրդողան. Թուրքիան Մանբիչում և Ռաքքայում քայլեր կձեռնարկի Ռուսաստանի և ԱՄՆ-ի համաձայնության դեպքում

Թուրքիայի նախագահ Ռեջեփ Թայիփ Էրդողանը Պակիստան մեկնելուց առաջ, Ստամբուլի Աթաթուրքի օդանավակայանում լրագրողների հետ զրույցում խոսել է Սիրիայում Թուրքիայի հետագա նպատակների` մասնավորապես Մանբիչ և Ռաքքա քաղաքների հարցի մասին:

Էրդողանը շեշտել է, որ Թուրքիան Մանբիչի և Ռաքքայում համապատասխան քայլեր կձեռնարկի այն դեպքում, երբ համաձայնության հասնեն Ռուսաստանի և ԱՄՆ-ի հետ:

«Այժմ հերթը Մանբիչինն է: Մանբիչը արաբներին է, ոչ թե քրդերինը: Մենք դրա մասին ասել ենք նաև մեր ամերիկացի գործընկերներին: Ասել էինք, որ Սիրիայի քրդական ուժերը պետք է անցնեն Եփրատի արելյան ափը, սակայն նրանք դեռևս չեն հեռացել: Մանբիչ պետք է բնիկ ժողովուրդը վերադառնա»,-ասել է Թուրքիայի նախագահը :

Էրդողանը Պակիստան է մեկնում`մայրաքաղաք Իսլամաբադում կայանալիք «Տնտեսական համագործակցության կազմակերպության» 13-րդ գագաթնաժողովին մասնակցելու համար:
«Տնտեսական համագործակցության կազմակերպություն»-ը ստեղծվել է 1985թ.-ին` Միջին Ասիայի և Մերձավոր Արևելքի երկրների կողմից:

Ըստ թուրքական «Deutsche Welle» լրատվամիջոցի թուրքական ծառայության Էրդողանը Պակիստան է մեկնում`մայրաքաղաք Իսլամաբադում կայանալիք «Տնտեսական համագործակցության կազմակերպության» 13-րդ գագաթնաժողովին մասնակցելու համար:

Աղբյուր` Ermenihaber.am