Ադրբեջանը պակիստանյան արտադրության զենքեր կգնի

Տարածաշրջան12:24, 01 Մարտ 2017

Ադրբեջանը պակիստանյան արտադրության զենքեր կգնի

Ադրբեջանի նախագահ Իլհամ Ալիևը Պակիստան կատարած այցի ընթացքում փետրվարի 28-ին հանդիպել է նախագահ Մեմնուն Հուսեյինի և վարչապետ Նավազ Շերիֆի հետ: Թուրքական «Konhaber» լրատվական կայքը, հղում անելով ադրբեջանական պետական «AZERTAC» լրատվական գործակալությանը, նշում է, որ երկու նախագահների հանդիպման ժամանակ քննարկվել են տարածաշրջանային մի շարք խնդիրներ:

Մասնավորապես, օրակարգային հարցերից է եղել Լեռնային Ղարաբաղի խնդիրը և Քաշմիր շրջանի հետ կապված պակիստանահնդկական հակամարտությունը:

Կողմերը վճռականություն են հայտնել նշյալ խնդիրների կարգավորման համար, ինչպես նաև այդ խնդիրներում նախկինում միմյանց ցուցաբերած աջակցությունը շարունակելու հարցում:

Հանդիպումների ընթացքում համաձայնություն է ձեռք բերվել` Ադրբեջանին Պակիստանի ռազմական արդյունաբերության արտադրանքը վաճառելու շուրջ: Երկու երկրների նախագահները կարևորել են նաև առևտրատնտեսական հարաբերությունների ընդլայնումը: Ստորագրվել է էներգետիկ ոլորտում համագործակցության վերաբերյալ պայմանագիր: