ԻՀԿ-ի քարտուղարը Ղարաբաղի հարցով ադրբեջանահաճո հայտարարություն է արել

Քաղաքական07:50, 14 Մարտ 2017

ԻՀԿ-ի քարտուղարը Ղարաբաղի հարցով ադրբեջանահաճո հայտարարություն է արել

Սուդյան Արաբիայի Ջիդդե քաղաքում գտնվող «Իսլամական համագործակցության կազմակերպության» (ԻՀԿ) կենտրոնական գրասենյակում Ադրբեջանի նախաձեռնությամբ իջոցառում է կազմակերպվել՝ նվիրված Խոջալուի դեպքերին:

Ըստ թուրքական «Milli gazete» թերթի կայքի` միջոցառման ժամանակ ելույթ ունեցած ԻՀԿ-ի գլխավոր քարտուղար Յուսուֆ ալ-Ուսեյմին, տուրք տալով ադրբեջանական կեղծ թեզերին, նշել է, թե Խոջալուի դեպքերը հետևանք են «Հայաստանի կողմից Ադրբեջանի հողերի օկուպացիայի»: Նա Հայաստանին կոչ է արել ժամ առաջ դուրս գալ «ադրբեջանական» հողերից:

Ուսեյմինը ԻՀԿ անդամ երկրներին կոչ է արել ճնշում գործադրել Հայաստանի վրա, որպեսզի «վերջինս հարգանքով վերաբերվի Ադրբեջանի տարածքային ամբողջականությանը և վերջ դնի օկուպացիային»:

Ավելացնենք, որ 56 իսլամական երկիր ներառող այս կազմակերպությունը Ղարաբաղի հարցում մշտապես հանդես է եկել ընդգծված ադրբեջանամետ պահվածքով ու կողմնակալ հայտարարություններով:

Աղբյուր` Ermenihaber.am