Սոմալիում հիմնված թուրքական ռազմաբազան սկսում է իր գործունեությունը

Տարածաշրջան09:54, 17 Մարտ 2017

Սոմալիում հիմնված թուրքական ռազմաբազան սկսում է իր գործունեությունը

Սոմալիի մայրաքաղաք Մոգադիշոյում հիմնված թուրքական ռազմաբազայի բացումը ծրագրվում է իրականացնել 2017թ. ապրիլին: Ըստ թուրքական «Vatan» թերթի կայքի` սպասվում է, որ բացման արարողությանը կմասնակցեն Թուրքիայի նախագահ Ռեջեփ Թայիփ Էրդողանը և զինված ուժերի (ԶՈՒ) գլխավոր շտաբի պետ Հուլուսի Աքարը:

Ռազմաբազայի գործունեության շրջանակներում թուրք զինվորները մարզելու են Սոմալիի ազգային բանակի և աֆրիկյան այլ երկրների երկրների զինվորներին:

Այս ռազմաբազան արտերկրում Թուրքիայի կողմից ստեղծված ամենամեծ ռազմաբազան է: Մինչ այդ Թուրքիան ռազմաբազաներ էր հիմնել Իրաքում, Ադրբեջանում, Քաթարում ու Ալբանիայում:

Աղբյուրը նշում է, որ ռազմաբազայի հիմնումը կուժեղացնի պայքարը ահաբեկչության դեմ:

Ռազմաբազայում սկզբի համար ծառայություն է իրականացնելու 200 թուրք զինվորական: Այնտեղ պատրաստություն կանցնեն 10.500 սոմալեցի զինվոր ու ոստիկան:

Բազայում կգործի 1000 զինվորականի համար նախատեսված 3 ռազմական դպրոց:2015թ. –ից սկսված ռազմաբազայի շինարարության վրա ծախսվել է 50մլն դոլար:

Աղբյուր` Ermenihaber.am