Գերմանաբնակ թուրքերը բոյկոտում են Քյոլնում Հայոց ցեղասպանության հուշարձանի կառուցումը

Ցեղասպանություն12:05, 22 Մարտ 2017

Գերմանաբնակ թուրքերը բոյկոտում են Քյոլնում Հայոց ցեղասպանության հուշարձանի կառուցումը

Գերմանաբնակ թուրքերը իրենց բողոքն են արտահայտել Քյոլնի քաղաքապետարանի կողմից Հայոց ցեղասպանության զոհերի հիշատակին նվիրված հուշակոթողի կանգնեցման որոշման վերաբերյալ: Ըստ թուրքական «Ulusalkanal» լրատվակայքի` Քյոլնում Թուրքիայի հյուպատոսարանի և «Թուրքիայի երիտասարդություն» միության կողմից կազմակերպված Չանաքալեի (Գալիպոլի) հաղթանակին նվիրված միջոցառումների ժամանակ թուրքերը պահանջել են, որ քաղաքապետարանը հրաժարվի իր որոշումից:

Աղբյուրը նշում է, որ որոշման համաձայն` խաչի տեսք ունեցող հուշակոթողը պետք է կանգնեցվի Քյոլնի գերեզմաններից մեկում, որտեղ կան նաև թուրքերի գերեզմաններ:

Միջոցառմանը մասնակից թուրքերը Գերմանիայում բնակվող իրենց հայրենակիցներին կոչ են արել միասնական գործել խնդրի շուրջ:

Քաղաքապետարանի որոշման դեմ հանդես եկողներից էր եղել նաև թուրք պատմաբան Օրհան Ջեքիչը:

Աղբյուր` Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։