Թուրքիայի պաշտպանության նախարարի արձագանքը՝ զենքի վաճառքի գերմանական էմբարգոյին

Քաղաքական18:10, 26 Մարտ 2017

Թուրքիայի պաշտպանության նախարարի արձագանքը՝ զենքի վաճառքի գերմանական էմբարգոյին

Թուրքիայի պաշտպանության նախարար Ֆիքրի Ըշըքը խոսել է գերմանական որոշ ընկերությունների կողմից Թուրքիային զենք վաճառքը մերժելու որոշման մասին:

Միջանկյալ նշենք, որ ավելի վաղ Գերմանիայի Էկոնոմիկայի նախարարությունը հայտնել էր, որ Գերմանիան 2016թ. նոյեմբերից մինչ օրս 11 անգամ մերժել է Թուրքիա զենքի արտահանումը: Որպես պատճառ Գերմանիան նշել էր այն հանգամանքը, որ այդ զենքերը կարող են օգտագործվել Թուրքիայի ներսում որպես ճնշման միջոց:

Ըստ «Euronews» լրատվամիջոցի թուրքական ծառայության՝ Ըշըքն ասել է, որ այժմ Թուրքիան Գերմանիայից սպասում է ողջամիտ գործողությունների: Նա շեշտել է, որ իրենց մոտ զարմանք է առաջացնում այն հանգամանքը, որ Գերմանիան էմբարգո է սահմանում թուրքական կողմի պահանջների վրա, բայց միևնույն ժամանակ գերմանական զենքը հայտնվում է ահաբեկիչների ձեռքում:

Նա նաև շեշտել է, որ Գերմանիայի կողմից ձեռնարկված նշյալ քայլը, որևէ կերպ չի անդրադառնա Թուրքիայի կողմից իրականացվող զինված գոծողությունների որակի վրա:

Աղբյուր` Ermenihaber.am