ԱՄՆ-ի պետքարտուղարը Թուրքիայում չի հանդիպի ընդդիմության ներկայացուցիչների հետ

Քաղաքական13:33, 28 Մարտ 2017

ԱՄՆ-ի պետքարտուղարը Թուրքիայում չի հանդիպի ընդդիմության ներկայացուցիչների հետ

Մարտի 30-ին ԱՄՆ-ի պետքարտուղար Ռեքս Թիլլերսոնը պաշտոնական այցով մեկնելու է Թուրքիա, որտեղ հանդիպելու է Թուրքիայի նախագահ Ռեջեփ Թայիփ Էրդողանի հետ:

Ըստ թուրքական «Dunya» լրատվամիջոցի` այցի ընթացքում հանդիպումներ են լինելու նաև այն թուրք նախարարների հետ, որոնք իրենց դերն ունեն «Իսլամական պետություն» (ԻՊ) ահաբեկչական կազմակերպության դեմ պայքարում:

Քննարկումներ են տեղի ունենալու Սիրիայի Ռաքքա քաղաքի հարցով: Վերջինս գտնվում է ԻՊ-ի վերահսկողության տակ: Մասնավորապես խոսվելու է այն մասին, որ քաղաքի ազատագրումից հետո տեղի բնակիչները պետք է վերադառնա իրենց բնակավայրերը, քանի որ բուն օպերացիայի ժամանակ բնակչությունը էվակուացվելու է:

Ամերիկացի պաշտոնյաներն ակնկալում են, որ Թիլլերսոնի այցի օրակարգում ներառվելու է նաև իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձման հարցը, ով թուրքական իշխանությունների կողմից մեղադրվում է հուլիսի 15-ին Թուրքիայում տեղի ունեցած ռազմական հեղաշրջման փորձի կազմակերպման մեջ:

Աղբյուրը նաև նշում է, որ Թիլլերսոնն այցի ընթացքում հանդիպումներ չի ունենա Թուրքիայի ընդդիմության ներկայացուցիչների հետ:

Աղբյուր` Ermenihaber.am