Չավուշօղլուն դատապարտել է Քիրքուքում քրդական դրոշ բարձրացնելու որոշումը

Տարածաշրջան10:20, 29 Մարտ 2017

Չավուշօղլուն դատապարտել է Քիրքուքում քրդական դրոշ բարձրացնելու որոշումը

Թուրքիայի արտաքին գործերի նախարար Մևլութ Չավուշօղլուն դժգոհություն է հայտնել, որ Իրաքի Քիրքուք քաղաքի կառավարական շենքերի վրա Իրաքի դրոշի հետ միասին, պիտի բարձրացվի նաև Իրաքյան Քուրդիստանի դրոշը:

«Ճիշտ չենք համարում այդ քայլը, մեզ համար դա անընդունելի է»,- ըստ թուրքական «Haberler» լրատվամիջոցի` ասել է Չավուշօղլուն:

Ինչպես հաղորդում է «Cumhuriyet» պարբերականը, խնդրի հետ կապված առանձին հայտարարություն է տարածել Թուրքիայի արտգործնախարարությունը: Դրանում մասնավորապես ասվում է, որ նշյալ որոշումը կայացվել է միակողմանի՝ անտեսելով նահանգային խորհրդի թուրքմեն և արաբ անդամների բոյկոտը:

Ըստ Թուրքիայի արտգործնախարարության՝ նշյալ որոշումը «հակասում է Իրաքի սահմադրությանը»: Նշվում է, որ Քիրքուքի հարցում ցանկացած միակողմանի որոշում կվնասի երխխոսությանը:

Հիշեցնենք, որ քրդական դրոշը Քիրքուքի կառավարական շենքերի վրա տեղակայելու որոշումը ընդունվել և վավերացվել էր մարտի 28-ին Քիրքուքի նահանգային խորհրդում:

Աղբյուր` Ermenihaber.am