Թուրքիա մեկնող ռուս զբոսաշրջիկների թիվը ավելացել է

Տարածաշրջան12:44, 31 Մարտ 2017

Թուրքիա մեկնող ռուս զբոսաշրջիկների թիվը ավելացել է

Ռուս-թուրքական հարաբերությունների կարգավորման գործընթացին համընթաց Ռուսաստանից Թուրքիա մեկնող զբոսաշրջիկների թիվը ավելանում է: Ըստ թուրքական «Haberekspres» լրատվակայքի, 2016թ. փետրվարի համեմատ, 2017թ. նույն ամսին Ռուսաստանից Թուրքիա մեկնող զբոսաշրջիկների թիվը ավելացել է շուրջ 95.58 տոկոսով

Աղբյուրը հիշեցնում է, որ ռուս-թուրքական հարաբերությունների ճգնաժամի, ինչպես նաև ամռանը Թուրքիայում տեղի ունեցած ահաբեկչական մի քանի գործողությունների պատճառով տուրիզմի ասպարեզում անկում գրանցվեց:

2017թ. նույն ժամանակաշրջանի տվյալներով՝ նվազել է Գերմանիայից և Հոլանդիայից Թուրքիա մեկնող զբոսաշրջիկների թիվը: Որպես դրա պատճառ առաջ է քաշվում այն հանգամանքը, որ այս պահին այդ երկրների և Թուրքիայի միջև լարված հարաբերություններ են: Նշվում է, որ հոլանդացի զբոսաշրջիկների թիվը նվազել է 24.7 տոկոսով, իսկ Գերմանիայից Թուրքիա մեկնած զբոսաշրջիկների թիվը նվազել է 24.8 տոկոսով:

Իսկ ընդհանուր առմամբ 2017թ. փետրվարին Թուրքիա մեկնած զբոսաշջիկների թիվը նախորդ տարվա նույն ամսվա համեմատ նվազել է 6.51 տոկոսով և կազմել է 1մլն 159.833 մարդ:

Նշվում է, որ այդ ամիս ամենաշատը Թուրքիա են մեկնել Վրաստանից:

Աղբյուր` Ermenihaber.am