Ռուս պաշտոնյան նախազգուշացնում է Թուրքիային

Տնտեսական10:07, 03 Ապրիլ 2017

Ռուս պաշտոնյան նախազգուշացնում է Թուրքիային

Ռուսաստանի փոխվարչապետ Արկադի Դվորկովիչը լրագրողների հետ զրույցում խոսել է ռուսական ցորենի Թուրքիա արտահանման շուրջ ստեղծված խոչընդոտների մասին:

Ըստ թուրքական «Posta» լրատվամիջոցի` ռուս պաշտոնյան պատասխանելով այն հարցին, թե արդյոք Ռուսաստանը ստիպված կլինի Թուրքիայից արտահանվող ապրանքների հարցում նույնպես սահմանափակումներ մտցնել, ինչպես դա արել էր Թուրքիան ռուսական ցորենի հարցում, նշել է. «Եթե նրանք մեր ապրանքների հարցում շարունակեն սահմանափակումներ կիրառել, ապա մենք ևս հնարավոր է նույն կերպ վարվենք, բայց հուսով եմ այս իրավիճակում կհաղթի ողջամտությունը»:

Հիշեցնենք, որ մարտի 15-ից Թուրքիայի կառավարության կողմից Ռուսաստանը հանվել էր այն երկրների ցանկից, որոնք Թուրքային ցորեն են մատակարարում առանց հարկվելու: Եվ հիմա Թուրքիա ներկրվող ռուսական հացահատիկի համար պահանջվող խոշոր մաքսատուրքը գործնականում կարող է անհնար դարձնել հետագա ներկրումը:

Թուրքիան 2-րդ ամենամեծ շուկան է եղել ռուսական ցորենի արտահանման համար: 2016-ին Թուրքիա է ներկրվել 1.9 միլիոն տոննա ռուսական հացահատիկ:

Աղբյուր` Ermenihaber.am