Էրդողան. «Սիրիայում նոր գործողություններ ենք իրականացնելու»

Տարածաշրջան10:52, 04 Ապրիլ 2017

Էրդողան. «Սիրիայում նոր գործողություններ ենք իրականացնելու»

Թուրքիայի նախագահ Ռեջեփ Թայիփ Էրդողանը ապրիլի 3-ին Տրաբզոն քաղաքում ունեցած ելույթի ժամանակ հայտարարել է, որ Թուրքիան Սիրիայում նոր գործողություններ է իրականացնելու: Այդ մասին հայտնում է թուրքական «Sondakika» լրատվամիջոցը:

Ավելի վաղ Թուրքիան դադարեցրել էր Սիրիայի տարածքում 2016թ օգոստոսի 24-ից սկսած «Եփրատի վահան» ռազմական գործողությունը:

«Սիրիայի ալ Բաբ քաղաքը ահաբեկիչներից մաքրելով Եփրատի վահան գործողության առաջին շրջափուլը ավարտեցինք: Սրանից հետո ևս լինելու են գործողություններ: Այժմ այլ տարածքներում ահաբեկչական կազմակերպությունների հենակետերը վերցնելու համար նախապատրաստում ենք նոր գործողություններ»,-ասել է Էրդողանը

Վերջինս հավելել է, որ իրենք գարնանը «անակնկալներ ունեն» «Քուրդիստանի բանվորական կուսակցության» (ՔԲԿ-PKK) «Իսլամական պետություն» (ԻՊ) ահաբեկչական կազմակերպության, ինչպես նաև գյուլենական համայնքի համար:

Վերջին 3-ն էլ Թուրքիայում որակվում են որպես ահաբեկչական կազմակերպություններ:

Աղբյուր` Ermenihaber.am