Թուրքիայում արգելվել է նախընտրական քարոզարշավի քրդերեն երգը (տեսահոլովակ)

08:37, 05 Ապրիլ 2017

Թուրքիայում արգելվել է նախընտրական քարոզարշավի քրդերեն երգը (տեսահոլովակ)

Թուրքիայի Մերսինի դատարանը արգելվել է առաջիկա հանրաքվեի քարոզարշավի շրջանակներում քրդամետ «Ժողովուրդների դեմոկրատական կուսակցության» «Ոչ ասեք» երգի հնչեցումը: Իսկ երգը քրդերեն է:

Ըստ թուրքական «Haberler» լրատվամիջոցի` դատարանի որոշման մեջ ասվում է, որ երգի մեջ տեղ գտած «ոչ ասենք մեկ դրոշին, ոչ ասենք մեկ ազգին, ոչ ասենք մեկ լեզվին» խոսքերը չեն համապատասխանում Թուրքիայի սահմանադրությանը, քանի որ վերջինիս մեջ ասվում է, որ «Թուրքիայի Հանրապետությունում երկիրը և ազգը անբաժանելի ամբողջություն են»:

Բացի այդ էլ Թուրքիայի պետական լեզուն հանդիսանում է թուրքերենը, այլ ոչ թե քրդերենը: Շեշտվում է նաև, որ երգը ժողովրդին դրդում է «ատելության և թշնամութանքի»:

Թուրքական աղբյուրը երգը որակել է որպես «սկանդալային»:
Այն տեղադրված էր նաև ԺԴԿ-ի պաշտոնական կայքում: