ԱՄՆ-ը նորից ռազմական օգնություն է տրամադրել Սիրիայի քրդերին

Տարածաշրջան10:05, 05 Մայիս 2017

ԱՄՆ-ը նորից ռազմական օգնություն է տրամադրել Սիրիայի քրդերին

Սիրիայի տեղական համակարգման հանձնաժողովը (LCC) տեղեկացրել է, որ ԱՄՆ-ն Սիրիայի հյուսիսարևելյան հատվածում տեղակայված քրդական «Ժողովրդական ինքնապաշտպանական ջոկատներ»-ին (ԺԻՋ-YPG) ուղարկել է 48 ռազմական մեքենայից և 250 զինվորից բաղկացած ավտոշարասյուն, 22 բեռնատար, ինչպես նաև մի շարք զինատեսակներ:

Թուրքական «Yenisafak» լրատվամիջոցը, հղում անելով վերոնշյալ տեղեկությանը, նշում է, որ ռազմական օգնությունը Սիրիա է մուտք գործել Սեմալքա սահմանային անցակետից և հասցվել Հասեքե նահանգի Մալիքիյե շրջան:

Աղբյուրը հայտնում է, որ ԱՄՆ ավելի ինտենսիվ կերպով սկսեց աջակցել Սիրիայի և Իրաքի քրդերին այն բանից հետո, երբ Թուրքիայի օդային ուժերը օպերացիա իրականացրեցին Իրաքի Սինջար և Քարաչոք շրջաններում գտնվող «Քուրդիստանի բանվորական կուսակցության» հենակետերի ուղղությամբ (ՔԲԿ-PKK):

Թուրքական աղբյուրը ԱՄն-ի վերոնշյալ որոշումը որակում է որպես «սկանդալային»:

Աղբյուր` Ermenihaber.am