Թուրք գործիչ. «Թուրքիան վերածվել է կոտորածների երկրի»

Քաղաքական09:18, 05 Մայիս 2017

Թուրք գործիչ. «Թուրքիան վերածվել է կոտորածների երկրի»

Թուրքիայի ընդդիմադիր «Ժողովուրդների հանրապետական» կուսակցության (ԺՀԿ-CHP) փոխնախագահ Վելի Աղբաբան քննադատել է իշխող կուսակցության սիրիական քաղաքականությունը: «CNN Türk»-ի համաձայն՝ Աղբաբան մասնավորապես անդրադարձել է 2015թ. հուլիսի 20-ին Շանլըուրֆայի Սուրուչ քաղաքում մահապարտի կողմից իրականացված ահաբեկչությանը, որին զոհ էին գնացել 33 քաղաքացի:

Ընդդիմադիր փոխկուսակցապետը այդ դեպքի համար մեղադրել է իշխող«Արդարություն և զարգացում» կուսակցությանը (ԱԶԿ-AKP):

«Սուրուչի դեպքը Սիրիայի հարցում ԱԶԿ-ի վարած սխալ քաղաքականության հետևանքն է: Թուրքիան, ցավոք, ԱԶԿ-ի սխալ քաղաքականության պատճառով վերածվել է կոտորածների երկրի:

Ցավոք, ադ քաղաքականության արդյունքում դարձել է իսկական մերծավորարևելյան երկիր: Իսկ լինել մերձավորարևելյան երկիր, նշանակում է լինել մի երկիր, որտեղ աղանդների պատերազմ է ընթանում, որտեղ արյուն ու արցունք է հոսում: Անկարան, Ստամբուլը, Շանլըուրֆան, Գազիանթեփը արդեն ոչնչով չեն տարբերվում Աֆղանստանի Քաբուլից կամ Իրաքի Բաղդադից»,- ասել է Աղբաբան:

Աղբյուր` Ermenihaber.am