Թուրքիայի հետախուզական ծառայությանում Սիրիայի հարցով ժողով տեղի կունենա

Տարածաշրջան13:34, 18 Մայիս 2017

Թուրքիայի հետախուզական ծառայությանում Սիրիայի հարցով ժողով տեղի կունենա

Մայիսի 18-ին Թուրքիայի Ազգային հետախուզական ծառայության (MIT) քարտուղարությունում Սիրիայում տիրող իրավիճակի վերաբերյալ աշխատանքային ժողով է տեղի ունենալու: Թուրքական «Sonhaberler» լրատվամիջոցը հղում անելով «Habertürk TV» հեռուստաալիքին , նշում է, որ ժողովին մասնակցելու են Թուրքիայի, Իրանի և Ռուսաստանի անվտանգության, ռազմական ոլորտի մի շարք պաշտոնյաններ: Ներկա են լինելու նաև դիվանագետներ:

Կողմերը ժողովի շրջանակներում քննարկվելու են մասնավորապես Սիրիայում անվտանգության գոտիների ստեղծման վերաբերյալ մի շարք կարևոր հարցեր։ Քննարկվելու է նաև այն հարցը , թե անվտանգության գոտիներում ինչպես են տեղակայվելու Թուրքիայի, Ռուսաստանի և Իրանի ստորաբաժանումները:

Սպասվում է, որ ժողովը կտևի մինչև հունիսի 4-ը, այնուհետև արդյունքների վերաբերյալ զեկույց կհրապարակվի:

Հիշեցնենք, որ Սիրիայում անվտանգության գոտիների ստեղծման մասին փաստաթուղթը ստորագրվել է Ղազախստանում՝ Ռուսաստանի, Իրանի և Թուրքիայի կողմից։

Աղբյուր` Ermenihaber.am