Թուրքիան Սիրիայի քրդերին զինելու ԱՄՆ-ի քաղաքականությանը պատասխանեց ռուսական «S-400»-ով

Քաղաքական13:53, 06 Հունիս 2017

Թուրքիան Սիրիայի քրդերին զինելու ԱՄՆ-ի քաղաքականությանը պատասխանեց ռուսական «S-400»-ով

Թուրքական «Yenisafak» թերթի սյունակագիր Մեհմեթ Աջեթը հոդված է հրապարակել է, որտեղ խոսում է Ռուսաստանի և Թուրքիայի միջև ռուսական «S-400» հակաօդային պաշտպանության համակարգերի գնման շուրջ շարունակվող բանակցությունների մասին: «Superhaber» լրատվամիջոցը, հղում անելով այդ հոդվածին, նշում է, որ Աջեթը նախ որոշ մանրամասներ է ներկայացնում 2016թ. Սոչիում կայացած Էրդողան-Պուտին հանդիպումից:

Բոլորը սպասում էին, որ այդ հանդիպման գլխավոր հարցը թուրքական լոլիկների հետ կապված արգելքի հանումը կլիներ, որի նկատմամբ Ռուսաստանը դեռևս պահպանում է պատժամիջոցները: Սակայն բոլորի համար անսպասելիորեն հանդիպման ժամանակ օրակարգային թեմա դարձավ «S-400»-ի համակարգերի գնման հարցը: Հոդվածի հեղինակը պատահական չի համարում Էրդողանի այն հայտարարությունը, որ Սոչիում Պուտինի հետ կարևոր հարցեր են քննարվելու: Ըստ հեղինակի՝ դժվար թե լոլիկների հարցը երկու նախագահների օրակարգային հարցը լիներ: Մանավանդ որ Էրդողանի հետ Ռուսաստան մեկնեցին Թուրքիայի հետախուզական ծառայության պետը, ինչպես նաև երկրի զինուժի գլխավոր շտաբի պետը:

«Մամուլի ասուլիսի առաջին 15 րոպեների ընթացքում ղեկավարները խոսում էին միայն լոլիկների մասին: Սակայն ես ինքս ինձ հարց տվեցի, մի՞թե սրանք այն կարևոր հարցերն էին, որոնց մասին Էրդողանը նշեց հանդիպումից առաջ: Ըստ իս՝ իրականում ընդունվել էին մի շարք կարևոր որոշումներ, բայց որպեսզի այն առաջին պլան չմղվի, երկու երկրների ղեկավարներ խոսում են լոլիկների մասին »,-գրում է Ափեթը:

«Yenisafak»-ի սյունակագրի կարծիքով՝ այն, որ հիմա Թուրքիան և Ռուսաստանը բանակցում են վերոնշյալ համակարգերի շուրջ, պատահական չէ, քանի որ հենց այս ժամանակ ԱՄՆ-ն զինում է Սիրիայի քրդերին և դա այն դեպքում, երբ վերջններս մեծ վտանգ են ներկայացնում Թուրքիայի համար:

Աղբյուր` Ermenihaber.am