Էրդողանը քննադատել է ՄԱԿ-ի ԱԽ-ի անարդյունավետությունը

Քաղաքական09:13, 07 Հունիս 2017

Էրդողանը քննադատել է ՄԱԿ-ի ԱԽ-ի անարդյունավետությունը

Թուրքիայի նախագահ Ռեջեփ Թայիփ Էրդողանը դեսպանների հետ հանդիպման ժամանակ կրկին խոսել է ՄԱԿ-ի անվտանգության խորհրդի (ԱԽ) հիմնական կազմը ընդլայնելու անհրաժեշտության մասին:

Ըստ թուրքական «NTV.com.tr» կայքի՝ Էրդողանը իր այդ պահանջը հիմնավորել է այն բանով, որ 5 հիմնական անդամ ունեցող ԱԽ-ն չի կարողանում լուծել տարածաշրջանում ու աշխարհում առկա բազմաթիվ հակամարտություններ՝ որպես օրինակ նշելով նաև հայ-ադրբեջանական հակամարտությունը:

«Արդեն 2-րդ համաշխարհային պատերազմի պայմաններում չենք ապրում: Այդ շրջանը արդեն անցյալում է, բայց հիմա էլ ամեն ինչ կախված է 5 հիմնական երկրների (ԱՄՆ, Ռուսաստան, Ֆրանսիա, Մեծ Բրիտանիա, Չինաստան) ցանկությունից»,- Ասել է Էրդողանը՝ ավելացնելով, որ այդ 5 երկրները չեն կարողանում լուծել Սիրիայի, Իրաքի ճգնաժամերը, ինչպես նաև Հայաստանի ու Ադրբեջանի կոնֆլիկտը:

Ըստ էրդողանի՝ Ադրբեջանի և Պաղեստինի վերաբերյալ ՄԱԿ-ի ընդունած բազմաթիվ որոշումներ չեն իրագործվել, քանի որ դրանք չեն հաստատվել ԱԽ 5 հիմնական անդամներից որևէ մեկի վետոի կիրառման պատճառով:

Նշենք, որ Էրդողանը նախկինում ևս պարբերաբար խոսել է ՄԱԿ-ի անվտանգության խորհրդի հիմնական կազմի ընդլայնման անհրաժեշտության մասին՝ այդ առիթվ պարբերաբար կրկնելով «աշխարհը 5-ից մեծ է» արտահայտությունը:

Աղբյուր` Ermenihaber.am