Քուրդ զինյալները հարձակվել են զինվորական ավտոշարասյան վրա. թուրքական կողմն ունի կորուստներ

Տարածաշրջան12:09, 20 Հունիս 2017

Քուրդ զինյալները հարձակվել են զինվորական ավտոշարասյան վրա. թուրքական կողմն ունի կորուստներ

Հունիսի 19-ին երեկոյան «Քուրդիստանի բանվորական կուսակցության» (ՔԲԿ-PKK) զինյալները հարձակվել են Թուրքիայի Հաքքարի-Չուքուրջա մայրուղով անցնող զինվորական ավտոշարասյան վրա:

Ըստ թուրքական «Sozcu» թերթի կայքի՝ նռնականետից արձակված կրակի հետևանքով սպանվել է 1 թուրք զինվորական (կոչումով՝ կապիտան), ևս 5 զինվոր վիրավորվել են:

Տարածքում քուրդ զինյալներին հայտնաբերելու և վնասազերծելու նպատակով սկսվել է լայնամասշտաբ գործողություն: Այս լուրը նաև հաստատել է Թուրքիայի զինված ուժերի (ԶՈՒ) գլխավոր շտաբը:Նշվում է, որ վերոնշյալ ավտոշարասյունը մեկնում էր Թուրքիայի Վանի նահանգ:

Թուրքական աղբյուրը տեղեկացնում է նաև, որ նույն օրը ևս մեկ բախում տեղի է ունեցել Թուրքիայի Շըրնաք նահանգի Ուլուդերե շրջանում: Բախման ընթացքում վիրավորվել է 1 թուրք պայմանագրային սերժանտ և 2 գյուղի անվտանգությունը ապահովող պահակ: Դեպքի վայր է ուղարկվել ռազմական ուղղաթիռ:

Աղբյուր` Ermenihaber.am