Թուրքիայի՝ Հայաստանին ուղղված դատապարտող հայտարարությունը

Քաղաքական10:48, 05 Հուլիս 2017

Թուրքիայի՝ Հայաստանին ուղղված դատապարտող հայտարարությունը

Թուրքիայի արտաքին գործերի նախարարությունը (ԱԳՆ) տարածել է գրավոր հայատարարություն, որով հայկական զինված ուժերին մեղադրում է հուլիսի 4-ի գիշերը Ֆիզուլու շրջանի ադրբեջանական Ալհանլը գյուղի վրա հրետանային կրակ բացելու մեջ, ինչի հետանքով, ըստ նույն աղբյուրի, գյուղի բնակիչներից երկուսը զոհվել են:

Թուրքիայի ԱԳՆ-ն հայկական կողմին մեղադրում է հիմնախդրի խաղաղ կարգավորման գործընթացը միտումնավոր խոչընդոտելու և անհրաժեշտ համարում միջազգային հանրության կողմից Հայաստանի վրա համապատասխան ճնշում գործադրելը, որպեսզի հայկական ուժերը րոպե առաջ դուրս գան «օկուպացված տարածքներից»:

«Ադրբեջանի տարածքների 1/5-րդը զավթած Հայաստանի այս նողկալի արարքը, բացահայտորեն ցույց է տալիս սահմանամերձ շրջանների ուղղությամբ կատարվող սադրանքները, որոնք թիրախավորում են խաղաղ բնակիչներին, մասնավորապես կանանց և երեխաներին՝ հակասելով միջազգային իրավունքին և մարդասիրական արժեքներին՝»,- ըստ Թուրքիայի պետական «Anadolu» լրատվական գործակալության ասված է ԱԳՆ-ի հայտարարության մեջ:

Նշվում է նաև, որ Թուրքիան, որպես ԵԱՀԿ Մինսկի խմբի անդամ, շարունակելու է իր ջանքերը՝ աջակցելու ղարաբաղյան խնդրի արադարացի լուծմանը Ադրբեջանի տարածքային ամբողջականության և ինքնիշխանության շրջանակներում:

Աղբյուր` Ermenihaber.am