Սիրիայի հարցով ՄԱԿ-ի ներկայացուցիչ. քրդերին չպետք է անտեսել

Տարածաշրջան09:35, 12 Հուլիս 2017

Սիրիայի հարցով ՄԱԿ-ի ներկայացուցիչ. քրդերին չպետք է անտեսել

Սիրիայի հարցով ՄԱԿ-ի հատուկ ներկայացուցիչ Ստեֆան դի Միստուրան հայտարարել է, որ Սիրիայի նոր սահմանադրության մշակման աշխատանքներին պետք է մասնակցեն նաև քրդերը:

Ժնևում սկսվել է Սիրիայի խաղաղ կարգավորման բանակցությունների 7-րդ շրջանը, որն անցկացվում է Սիրիայի հարցով ՄԱԿ-ի հատուկ ներկայացուցիչ դի Միստուրայի միջնորդությամբ:

Թուրքական «Birgün» թերթը տեղեկացմամբ՝ ՄԱԿ-ի հատուկ ներկայացուցիչը ռուսական «РИА» լրատվական գործակալության հետ զրույցում կարևորել է, որ Սիրիայի քրդերը նոր սահմանադրության ձևավորման հարցում չանտեսվեն:

«Քրդերի ներկայացուցիչներին պետք է թույլ տալ մասնակցել սահամադրության մշակման աշխատանքներին»,- ընդգծել է դի Միստուրան:

Նշվում է, որ ՄԱԿ-ի ներկայացուցիչները վերջին շրջանում Լոզանում հանդիպել են Սիրիայի ընդդիմության տարբեր խմբերի հետ և բանակցություններ են վարել սահամանդրության նախագծի շուրջ:

Դի Միստուրան ընդգծել է, որ պետք է ջանքեր գործադրել, որպեսզի ձեռք բերված պայմանավորվածություններ երկիրը չտանեն պառակտման:

Աղբյուր` Ermenihaber.am