Թուրքական առաջին հեռահար հրթիռներն արդեն երկրի զինուժի տրամադրության տակ է դրվել

Տարածաշրջան11:03, 19 Հուլիս 2017

Թուրքական առաջին հեռահար հրթիռներն արդեն երկրի զինուժի տրամադրության տակ է դրվել

Թուրքիայի զինված ուժերի (ԶՈՒ) շահագործմանն է հանձնվել «Bora» տեսակի առաջին թուրքական արտադրության հեռահար հրթիռը, որն ունակ է խոցել մինչև 270կմ հեռավորության վրա գտնվող թիրախը:

Թեմայի հետ կապված խոսել է թուրք լրագրող Բաթուհան Յաշարը: Նրա տեղեկացմամբ՝ «Bora» հրթիռներով Թուրքիան հնարավորություն է ստանում խոցել ոչ միայն Թուրքիայում և իրաքյան Քուրդիստանում «Քուրդիստանի բանվորական կուսակցության» (ՔԲԿ-PKK) դիրքերը, այլև Սիրիայի քրդական ուժերի հենակետերը:

Սրանով Թուրքիան կկարողանա նույնիսկ հարվածներ հասցնել Սիրիայի Ռաքքա քաղաքում գտնվող «Իսլամական պետություն» ահաբեկչական կազմակերպության զինյալներին:

Հիշեցնենք, որ այս հրթիռներն արտադրվել են թուրքական «ROKETSAN» ընկերության կողմից: 10մմ մեծությամբ և 2.500կգ քաշով հրթիռի մարտական գլխիկը կշռում է 470կգ: Հայտնի է, որ «ROKETSAN»-ն այս նախագիծը մշակում է դեռևս 2009թվականից: Հրթիռները թիրախից կարող են շեղվել առավելագույնը 50մ: Նախագծի շրջանակներում նախատեսվում էր թիրախի հեռավորությունը հասցնել 1.000 կիլոմետրի:

Աղբյուր` Ermenihaber.am