Իրանը սպառնացել է ԻՊ-ին՝ վրեժխնդիր լինել մահապատժի ենթարկված իրանցի զինվորի համար

Տարածաշրջան09:30, 11 Օգոստոս 2017

Իրանը սպառնացել է ԻՊ-ին՝ վրեժխնդիր լինել մահապատժի ենթարկված իրանցի զինվորի համար

Իսլամական պետություն» (ԻՊ) ահաբեկչական կազմակերպության զինյալները Սիրիայի և Իրաքի սահմանին գտնվող Թանաֆ շրջանում գերեվարած իրանցի զինվոր Մուհսին Հոջեջիին մահապատժի են ենթարկել:

Ըստ թուրքական «Dogan haber» գործակալության՝ ԻՊ-ի կողմից համացացնում պարսկերեն լեզվով տեսանյութ է հրապարակվել, որտեղ հնչում են ահաբեկչական գործողությունների սպառնալիքներ՝ հասցեագրված պաշտոնական Թեհրանին:

Այս ամենը արժանացել է Իրանի իսլամական հեղափոխության պահապանների կորպուսի հրամանատաներից մեկի՝ Քասիմ Սուլեյմանիի կոշտ արձագանքին: Նա հանդիսանում է երկրի սահմաններից դուրս ռազմական գործողությունների պատասխանատուն:

«Երդվում ենք մեր զոհի արյունով, որ չենք հանգստանալու, մինչև չոչնչացնենք բոլորին»:

Հիշեցնենք, որ հունիսի 7-ին Իրանի խորհրդարանում և Իմամ Խոմեյնիի դամբարանի մոտ տեղի ունեցած ահաբեկչական հարձակումների հետևանքով սպանվել էր 12 մարդ, մոտ հինգ տասնյակը վիրավորվել էին։ Դամբարանի վրա հարձակում գործած ահաբեկիչներից մեկը պայթեցրել է իրեն։ Հարձակումների համար պատասխանատվությունը ստանձնել էր ԻՊ-ն:

Աղբյուր` Ermenihaber.am