Գերմանիայի արտգործնախարարը Էրդողանի մասին. «Երբեմն նրա վրա շատ ուշադրություն չդարձնելը ավելի լավ է»

Քաղաքական10:46, 18 Օգոստոս 2017

Գերմանիայի արտգործնախարարը Էրդողանի մասին. «Երբեմն նրա վրա շատ ուշադրություն չդարձնելը ավելի լավ է»

Գերմանիայի արտաքին գործերի նախարար Զիգմար Գաբրիելը հայտարարել է, որ «Die Welt» թերթի թղթակից Դենիզ Յուջելը Թուրքիայում պահվում է որպես «պատանդ»:

Ըստ թուրքական «Evrensel.net» լրատվակայքի՝ գերմանացի պաշտոնյան ասել է, որ Յուջելի ազատ արձակումը դժվարին գործընթաց է, քանի, որ Գերմանիան այդ առումով իր ձեռքում ունի սոսկ քաղաքական և տնտեսական լծակներ:

Անդրադառնալով Թուրքիայի նախագահ Ռեջեփ Էրդողանի՝ Գերմանիայի հասցեին արած կոշտ հայտարարություններին՝ արտգործնախարարը մասնավորապես ասել է.

«Երկար ժամանակ փորձում ենք Էրդողանի հանդեպ ցուցաբերել տրամաբանական դիրքորոշում: Բայց փաստորեն երբեմն ավելի լավ է նրա վրա շատ ուշադրություն չդարձնել»:

Հիշեցնենք, որ Յուջելը կալանավորվել էր «ահաբեկչական կազմակերպության օգտին քարոզչություն անելու» մեղադրանքով: Ըստ Թուրքիայի դախազության՝ Յուջելը լրագրության քողի տակ Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) ղեկավարներից Ջեմիլ Բայըքի հետ ռեպորտաժ էր պատրաստել, որով և փորձել էր օրինականացնել PKK-ի գործունեությունը:

Աղբյուր` Ermenihaber.am