Էրդողանն ընդունել է ԱՄՆ պաշտպանության նախարար Ջեյմս Մաթիսին

Քաղաքական14:01, 23 Օգոստոս 2017

Էրդողանն ընդունել է ԱՄՆ պաշտպանության նախարար Ջեյմս Մաթիսին

Թուրքիայի նախագահ Ռեջեփ Թայիփ Էրդողանն ընդունել է պաշտոնական այցով Անկարա ժամանած ԱՄՆ պաշտպանության նախարար Ջեյմս Մաթիսին: Թուրքական «Sozcu.com.tr» լրատվական կայքի հաղորդմամբ՝ հանդիպման մանրամասները դեռևս հայտնի չեն:

Սակայն թուրքական մամուլում ավելի վաղ տեղ գտած լուրերի համաձայն՝ Թուրքիայում Մաթիսի հանդիպումների օրակարգում են Սիրիայի քրդերին ԱՄՆ-ի աջակցությանը, Իրաքի Քրդաստում սպասվելիք հանրաքվեի, Ռուսաստանից գնվելիք S-400 ՀՕՊ համակարգերի, ինչպես նաև Սիրիայում տեղի ունեցող զարգացումների հետ կապված թեմաները:

Թուրքական լրատվամիջոցների ուշադրությունից չի վրիպել այն հանգամանքը, որ Մաթիսը Էրդողանի հետ հանդիպմանը պիջակին ամրացրած է եղել թուրք-ամերիկայն բարեկամությունը խորհրդանշող կրծքանշանը: Թուրքական լրատվամիջոցները Մեթիսի քայլը բնորոշել են որպես երկկողմ լարված հարաբերությունների ֆոնին իրավիճակը մեղմելուն ուղղված ժեստ:

Նշվում է, որ Էրդողանի հետ ունեցած հանդիպուից առաջ Մաթիսին ընդունել է Թուրքիայի պաշտպանության նախարար Նուրեթթին Ջանիքլին: Ջանիքլիի հետ ունեցած երկկողմ հանդիպումից հետո տեղի է ունեցել նաև 2 երկրների պատվիրակությունների ընդլայնված կազմով բանակցություններ:

Աղբյուր` Ermenihaber.am