Քաղաքական09:13, 05 Սեպտեմբեր 2017
Չավուշօղլուն հայտնել է, որ Թուրքիան դեռ ցանկանում է ԵՄ անդամ դառնալ
Սլովենիայում գտնվող Թուրքիայի արտաքին գործերի նախարար Մևլութ Չավուշօղլուն հայտարարել է, որ Թուրքիան ցանկանում է դառնալ Եվրամիության (ԵՄ) անդամ:
«Մենք ցանկանում ենք դառնալ Եվրամիության անդամ, սա դեռ մեր ռազմավարությունը և ընտրությունն է»,-Չավուշօղլուի խոսքերը մեջբերել է թուրքական «Cumhuriyet» թերթի կայքը:
Թուրքիայի արտաքին գերատեսչության ղեկավարը անդրադարձել է Գերմանիայի հետ լարված հարաբերություններին: Նա ափսոսանք է հայտնել, որ ԵՄ անդամ երկրների որոշ ազդեցիկ քաղաքական կուսակցությունները (այդ թվում Գերմանիայի մի շարք կուսակցությունները) Թուրքիայի նկատմամբ միևնույն «խտրական և այլլատյաց» հռետորաբանությանն են դիմում:
«Գերմանիայի ընտրությունները տեղի են ունենում Գերմանիայում, այլ ոչ թե Թուրքիայում և Հունգարիայում: Ավելի լավ կլինի, եթե նրանք կենտրոնանան իրենց ներքին խնդիրների վրա»,-հավելել է Չավուշօղլուն:
Նշենք, որ սեպտեմբերի 24-ին Գերմանիայում կայանալու են խորհրդարանական ընտրություններ: Կանցլերի երկու թեկնածուները՝ Անգելա Մերկելը և Մարտին Շուլցը, քարոզչական արշավի շրջանակներում մասնակցելով մի հեռուստաբանավեճի, միջազգային հանրությանը կոչ էին արել կոշտացնել իրենց դիրքորոշումը Թուրքիայի նկատմամբ:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |