Գյուլենականների նոր որս Մուշում և Բինգյոլում

Տարածաշրջան13:52, 29 Սեպտեմբեր 2017

Գյուլենականների նոր որս Մուշում և Բինգյոլում

Թուրքիայի Բինգյոլ և Մուշ նահանգներում կալանավորվել և բերման են ենթարկվել գյուլենական համայնքի հետ կապեր ունենալու մեջ կասկածվող անձինք: Ըստ թուրքական «Hurriyet» պարբերականի՝ Բինգյոլում բերման է ենթարկվել 5 մարդ, ովքեր օգտվել են Թուրքիայում արգելված «Bylock» արգելված բջջային հավելվածից:

Իսկ Մուշում կալանավորման որոշում է կայացվել 14 մարդու նկատմամբ, որոնք բերման էին ենթարկվել դեռևս սեպտեմբերի 13-ին: Նրանք նույնպես, ըստ ներկայացված մեղադրականի, օգտվել են «Bylock» հավելվածից:

Նշվում է, որ կալանավորվածների մեջ կան պաշտոնից հեռացված զինվորականներ, ուսուցիչներ, ոստիկաններ:

Հիշեցնենք, որ «Bylock» հավելվածն օգտատերերին հնարավորություն է տալիս հաղորդակցվել ծածկագրերի միջոցով: Ըստ թուրքական լրատվամիջոցների՝ այս հավելվածն օգտագործում են գյուլենականները՝ միմյանց հետ գաղտնի հաղորդակցվելու համար:

Թուրքիայի իշխանությունները Գյուլենական շարժումն ահաբեկչական են համարում, իսկ հիմնադիր Ֆեթուլլահ Գյուլենին մեղադրում են Թուրքիայում 2016թ հուլիսի 15-ի ռազմական հեղաշրջման փորձը կազմակերպելու մեջ:

Աղբյուր` Ermenihaber.am