Թուրքիան պատրաստվում է զորք մտցնել Իդլիբ

Տարածաշրջան12:36, 05 Հոկտեմբեր 2017

Թուրքիան պատրաստվում է զորք մտցնել Իդլիբ

Իրանից Թուրքիա վերադառնալիս Թուրքիայի նախագահ Ռեջեփ Թայիփ Էրդողանը զրուցել է լրագրողների հետ, խոսելով Սիրիայում ստեղծված իրավիճակի, ինչպես նաև իրաքյան Քուրդիստանում տեղի ունեցած անկախության հանրաքվեի մասին:
Ըստ թուրքական «Haberler» լրատվամիջոցի՝ Էրդողանը անդրադարձել է սիրիական Իդլիբ քաղաքում անվտանգության գոտի ստեղծելու մասին հարցին: Նա մասնավորապես ասել է, որ հաշվի առնելով, թե ինչ իրավիճակ է Իդլիբում Ռուսաստանի և Թուրքիայի զորքերը կմտնեն քաղաք, որտեղ կիրականացվեն մի շարք անվտանգության միջոցառումներ:
«Երբ Ռուսաստանի նախագահ Վլադիմիր Պուտինը Թուրքիայում էր, քննարկեցինք թե ինչպես են աշխատելու և իրականացնելու եռակողմ մեխանիզմները (Թուրքիա, Իրան, Ռուսաստան): Իդլիբի անվտանգության գոտու սահմանների հարցում որոշեցինք, որ Ռուսաստանը կապահովի քաղաքի անվտանգությունը դրսից, իսկ Թուրքիան ներսից»,-ասել է Էրդողանը:

Նշենք, որ այժմ Իդլիբում լարված իրավիճակ է և տեղի ծայրահեղականները փորձում են տարածքը իրենց վերահսկողության տակ վերցնել: Իսկ Թուրքիան, Իրանը և Ռուսաստանը նպատակ ունեն կանխել դա:

Աղբյուր` Ermenihaber.am