Թուրք նախարարը հրաժարվել է հանդիպել ամերիկացի դեսպանի հետ

Քաղաքական12:48, 09 Հոկտեմբեր 2017

Թուրք նախարարը հրաժարվել է հանդիպել ամերիկացի դեսպանի հետ

ԱՄՆ-ի և Թուրքիայի միջև վիզաներ չտրամադրելու հետ կապված լարվածությունն ավելի է խորանում:

Ըստ թուրքական «Haberler» լրատվամիջողի՝ Թուրքիայում ԱՄՆ-ի դեսպան Ջոհն Բասսը ցանկացել է թեմայի շուրջ զրույցել Թուրքիայի արդարադատության նախարար Աբդուլհամիթ Գյուլի հետ, սակայն վերջինս մերժել է ԱՄՆ-ի դեսպանի առաջարկը:

Աղբյուրը չի նշում, թե որն է եղել մերժման պատճառը:

Թուրքիայում ԱՄՆ-ի փոխդեսպան Փիլիփ Քոսնեթը վիզաների հարցով հրավիրվել է Թուրքիայի արտաքին գործերի նախարարություն: Այնտեղ ամերիկացի պաշտոնյային ասվել է, որ Թուրքիան ակնկալում է, որ ԱՄՆ-ն ետ կկանգնի իր որոշումից և կշարունակի վիզաներ տրամադրել թուրքերին:

Հիշեցնենք, որ այն բանից հետո, երբ Թուրքիայում լրտեսության մեղադրանքով կալանավորվեց Ստամբուլում ԱՄՆ-ի գլխավոր հյուպատոսարանի աշխատակից Մեհմեթ Թոփուզը, պաշտոնական Վաշինգտոնը որոշում կայացրեց ժամանակավորապես վիզաներ չտրամադրել Թուրքիայի քաղաքացիներին: Ի պատասխան դրան՝ Թուրքիան էլ իր հերթին որոշեց վիզաներ չտրամադրել ամերիկացիներին:

Աղբյուր` Ermenihaber.am