Թուրքիայում հրավիրվել է ազգային անվտանգության խորհրդի և կառավարության նիստ

Քաղաքական06:48, 16 Հոկտեմբեր 2017

Թուրքիայում հրավիրվել է ազգային անվտանգության խորհրդի և կառավարության նիստ

Հոկտեմբերի 16-ին Ռեջեփ Թայիփ Էրդողանի նախագահությամբ Թուրքիայում տեղի է ունենալու ազգային անվտանգության խորհրդի և այնուհետեև կառավարության նիստ: Ըստ «Haberturk» լրատվամիջոցի՝ սպասվում է, որ նիստների ընթացքում որոշում կկայացվի Թուրքիայում գործող արտակարգ դրությունը երկարաձգելու մասին:

Եթե վերոնշյալ նիստերում որոշում կայացվի երկարարաձգել արտակարգ դրությունը, ապա այն հոկտեմբերի 17-ին կներկայացվի Թուրքիայի խորհրդարանի հաստատմանը:

Աղբյուրը հաղորդում է, որ ազգային անվտանգության խորհրդի նիստում քննարկվելու է նաև Սիրիայում և Իրաքում տիրող իրավիճակը:

Մասնավորապես թուրք պաշտոնյաները կքննարկեն Սիրիայի Իդլիբ քաղաք ներխուժած Թուրքիայի զինուժի հետագա գործողությունների հարցը:

Միջանկյալ նշենք, որ Իդլիբում պետք է ստեղծվի անվտանգության գոտի՝ Աստանայում Թուրքիայի, Իրանի և Ռուսաստանի միջև ձեռք համաձայնությամբ:

Թուրք պաշտոնյաները կքննարկեն այն հարցը, թե պաշտոնական Անկարան ինչ քայլեր պիտի ձեռնարկի իրաքյան Քուրդիստանում կայացած անկախության հանրաքվեից հետո:

Աղբյուր` Ermenihaber.am