«Գորշ գայլերի» կուսակցության նախկին անդամը նոր կուսակցություն է հիմնում

07:44, 25 Հոկտեմբեր 2017

«Գորշ գայլերի» կուսակցության նախկին անդամը նոր կուսակցություն է հիմնում

Թուրքիայում հայտնի է դարձել «Ազգայնական շարժում կուսակցության» (MHP-ԱՇԿ) շարքերը լքած Մերալ Աքշեների նորաստեղծ կուսակցության անվանումը և կարգախոսը: Ըստ թուրքական «Haberturk» լրատվական կայքի՝ այն ունենալու է «Լավ կուսակցություն» անվանումը, իսկ որպես կարգախոս ընտրվել է «Թուրքիան լավ է լինելու» արտահայտությունը:

Պաշտոնապես կուսակցությունը ստեղծելու համար հոկտեմբերի 25-ին Աքշեները հայց է ներկայացնելու Թուրքիայի ներքին գործերի նախարարություն: Հայցն ընդունվելու դեպքում Անկարայում միջոցառում է կազմակերպվելու, որի ժամանակ Աքշեները իր համախոհների հետ հանրությանը ծանոթացնելու է կուսակցության ծրագրերին:

Թուրքական աղբյուրը ներկայացրել է կուսակցության 8 սկզբունքները և 10-ը նպատակները:

Կուսակցության 8 սկուզբունքներն են՝

1. Թուրք ազգի անվտանգության ապահովումը

2. Լինել բաց, ազնիվ և պատասխանատու

3. Ընդգրկուն քաղաքականության իրականացում

4 Հստակ նպատակներ

5. Լուծում գտնելու կարողություն և աշխատասիրություն

6. Քննդատության դեպքում լինել բաց և պահպանել ազատ մտածողություն

7. Հարգանք այլախոհների նկատմամբ

8. Ազգային շահերի պահպանում ցանկացած հարթակում և ոլորտում

Իսկ կուսակցության նպատակներն են՝

1.Պաշտպանել Թուրքիայի Հանրապետության ստեղծման գաղափարախոսությունը և արժեքները

2.Հետևել ժամակակակից քաղաքակրթությանը

3.Տիրապետող դարձնել սիրո և հարգանքի լեզուն

4.Պահպանել խորհրդարանական համակարգը

5.Հավասարակշռության և վերահսկողության սկզբունքների հիման վրա իրականացնել ուժերի բաժանում

6.Ապահովել հավասար հնարավորություններ

7.Պաշտպանել մարդու իրավունքները

8. Հարգանք ցուցաբերել խղճի և խոսքի ազատության նկատմամբ

9.Ստեղծել անկախ, անկողմնակալ և արդար դատաիրավական համակարգ

10.Ամբողջապես և արդյունավետ պայքարել անօրինականությունների դեմ:

Աղբյուր` Ermenihaber.am