ERMENI HABER AJANSI

Նոյեմբերի 8-ին Թուրքիայի պաշտպանության նախարար Նուրեթթին Ջանիքլին կմեկնի Բրյուսել, որպեսզի մասնակցի  ՆԱՏՕ-ի անդամ երկրների պաշտպանության նախարարների ժողովին:

Ըստ թուրքական «Sondakika» լրատվական կայքի Բրյուսելում  նոյեմբերի 8-ին և 9-ին Ջանիքլին հանդիպումներ կունենա ՆԱՏՕ-ի գլխավոր քարտուղարի, Մեծ Բրիտանիայի, Գերմանիայի, Ֆրանսիայի, Իսպանիայի, Ռումինիայի, Ալբանիայի, Իտալիայի  պաշտպանության նախարարների հետ:

Թուրք պաշտոնյան կհանդիպի նաև  ՆԱՏՕ-ի դաշնակցային զինված ուժերի (SACEUR)  հրամանատարի հետ:

Բրյուսել մեկնելուց առաջ Թուրքիայի պաշտպանության նախարարը Քաթար կատարած այցի ժամանակ խոսել էր ռուսական արտադրության S-400 ՀՕՊ համակարգերի վերաբերյալ, որոնց ձեռքբերման համարլ Թուրքիան և Ռուսաստանը արդեն ստորագրել են համապատասխան պայմանագիր:

Ջանիքլին մասնավորապես ասել է, որ այս պահին Թուրքիան S-400-ների հրատապ անհրաժեշտություն ունի, քանի, որ իրենք այս պահին պայքարում են ուժերի դեմ, ովքեր վտանգ են ներկայացնում երկրի համար:

Հիշեցնենք, որ չնայած ստորագրած պայմանագրին Ռուսաստանը հրաժարվել է Թուրքիային տրամադրել ռուսական ՀՕՊ համակարգերի գաղտնաբառերը, ինչը թույլ կտար թուրքական կողմին տեսնել  «S-400»-ների մեխանիզմը