Սիրիան անօրինական է համարում թուրքական զորքերի ներկայությունը իր տարածքում

Տարածաշրջան12:40, 08 Նոյեմբեր 2017

Սիրիան անօրինական է համարում թուրքական զորքերի ներկայությունը իր տարածքում

Սիրիայի նախագահ Բաշար Ասադի խորհրդական Բուսեյնա Շաբանը խոսել է Սիրիայում ԱՄՆ-ի և Թուրքիայի զինված ուժերի ներկայության մասին:

Ըստ թուրքական «Ensonhaber» լրատվամիջոցի՝ սիրիացի պաշտոնյան ամերիկացիների և թուրքերի ներկայությունը Թուրքիայում որակել է որպես Սիրիայի օկուպացիա:

«Թուրքիան այսօր հանդիսանում է զավթիչ երկիր: Նրանց և ամերիկյան ուժերի ներկայությունը մեր հողերում անօրինական է:»,-ասել է Ասադի խորհրդականը:

Վերջինս նշել է, որ իրենք պետք է համարժեք պատասխան տան այդ ամենին:

Շաբանի խոսքերով՝ Սիրիայի քրդական ուժերը պետք է իշխանություններին վերադարձնեն Ռաաքա քաղաքը, որտեղից մաքրվել էին «Իսլամական պետություն» (ԻՊ) ահաբեկչական կազմակերպության զինյալները :

Հիշեցնենք, որ հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռքբերված համաձայնությամբ՝ Իդլիբում «անվտանգության» գոտի էր սահմանվել: Որպես երաշխավոր երկրներ հանդես են գալիս Իրանը, Թուրքիան և Ռուսաստանը: